BATCH COOKING-a: Sukaldaritza adimenduna erlojuaren kontra gabiltzan asteetarako. Larunbata 10/04. 10:30etatik 13:30etara.

Irakaslea:
Magda Abdsalam Sayka (sareetan, @magdasayka)

Aurkezpen laburra:
Magda naiz, sukaldaritzaren, ongizatearen eta xede batez bizitzeko artearen ekintzailea, zale sutsua eta profesionala.

Nire karreran zehar, gastronomiarekiko dudan maitasuna uztartu izan dut kulturak, zaporeak eta bizimodu kontzienteagoak konektatzen dituzten sorkuntza- eta enpresa-proiektuekin. Sukaldaritzaren, bidaiaren eta norberarekiko konexioaren bidez, esperientzia eraldatzaileak sortzen ditut.

Ikastaroaren deskribapena:
Batch cooking-a tresna ahaltsu gisa iritsi zen nire bizitzara: ez soilik denbora aurrezteko, baita lasaitasun, antolaketa eta osasun handiagoz bizitzeko ere. Maitemindu egin nintzen gure bizitza errazagoa egiteko duen gaitasunaz, ondo jateak sortutako plazerari uko egin gabe. Gaur hemen nago, ikasi dudan guztia zurekin partekatzeko: errezeta praktikoak, ohitura jasangarriak eta sukaldaritza maitasunez bizitzeko beste modu bat. Ikastaro hau ez da kozinatzeari buruzkoa soilik, baizik eta geure burua hobeto zaintzeari eta benetan axola duenari denbora eskaintzeari buruzkoa.

Norentzat gomendatzen da?
Ikastaro hau zuretzat da, hobeto elikatu nahi baduzu, baina konplikaziorik gabe, eta denbora falta bazaizu baina ez badiozu uko egin nahi kozinatzeko eta ondo jateko plazerari. Sukaldean modu adimendunean eta arretaz antolatu nahi dutenentzat pentsatua dago: amak, profesionalak, ikasleak, ekintzaileak, ongizatearen zaleak, edo, besterik gabe, bizimodu ona maite dutenak. Ez duzu aditua izan behar, ezta aldez aurreko ezagutzarik eduki ere; ikasteko eta zaintzeko gogoa besterik ez duzu behar.

Zer egingo dugu?
Ikastaroan zehar, loteka eraginkortasunez planifikatzen eta kozinatzen ikasiko duzu, asteko menu orekatuak, askotarikoak eta zaporetsuak prestatuz. Errezeta errazak, moldagarriak eta zaporez beteak prestatuko ditugu elkarrekin, ondo kontserbatzeko eta eguneko une desberdinetara egokitzeko pentsatuak.

Gainera, mintzagai izango ditugu hozkailua eta despentsa antolatzea, elikagaien kontserbazioa, oinarrizko teknikak, tresna baliagarriak eta sukaldaritzarekin eta zeure buruarekin duzun harremana eraldatzen duten ohiturak. Tresna praktikoak, inspirazioa eta sukaldean aritzeko uneak ulertzeko modu berri bat eskuratuko dituzu.

Zergatik etorri?
Lasaiago bizitzea eta zure denboraz gozatzea merezi duzulako, ondo jateari uko egin gabe. Ikastaro hau sukaldearekin adiskidetzeko gonbidapena da, autozaintzarako espazio bihurtzeko eta zure egunerokotasuna sinplifikatzeko.

Astebeteko menua prest duzula irtengo zara, kontzientziaz kozinatzen jarraitzeko motibatuko zaituzten ideia berriak eskuratuko dituzu, eta, batez ere, zeure buruarentzat zerbait ona egin duzula sentituko duzu.

Halaber, bizitza beteagoa eta antolatuagoa izatea xede duten beste lagun batzuekin partekatzeko, inspiratzeko eta konektatzeko espazioa da.